عمران خان کی عوام سے حقیقی آزادی مارچ میں شرکت کی اپیل، ویڈیو پیغام جاری

عمران خان کی عوام سے حقیقی آزادی مارچ میں شرکت کی اپیل، ویڈیو پیغام جاری

پاکستان تحریک انصاف کے چیئرمین عمران خان نے عوام سے حقیقی آزادی مارچ میں شرکت کی اپیل کر دی۔ تفصیلات کے مطابق پی ٹی آئی چیئرمین عمران خان نے اپنے جاری کردہ ویڈیو بیان میں کہا کہ 26 نومبر کو ایک بجے ساری عوام میری حقیقی آزادی مارچ میں شرکت کرے۔ عمران خان نے کہا کہ حقیقی آزادی قوم کو تب ملتی ہے جب قوم میں انصاف ہوتا ہے، انصاف ہوتا ہے تو حقوق ہوتے ہیں، حقوق ہوتے ہیں تو قوم آزاد ہوتی ہے اور آزاد قوم ہی خوشحال ہوتی ہے۔ ان کا کہنا تھا کہ اب قوم تب تک چپ نہیں بیٹھے گی جب تم ہم حقیقی طور پر آزاد نہیں ہوتے، مارچ میں شریک ہو کر قوم یہ پیغام دے گی کہ حقیقی آزادی کے حصول تک چین سے نہیں بیٹھیں گے۔ انہوں نے مزید کہا کہ میں زخمی حالت میں صرف اپنی قوم کی خاطر نکل رہا ہوں، قوم ہفتے کو میرے لیے راولپنڈی پہنچے۔

چیئرمین پی ٹی آئی عمران خان کا ویڈیو پیغام- #ملتے_ہیں_پنڈی_میں pic.twitter.com/9jKt09ZPuN

— PTI (@PTIofficial) November 24, 2022