تفصیلات کے مطابق پاکستان میں سرمایہ کاری اور مشترکہ منصوبوں میں گہری دلچسپی کا اظہار کیا۔
وزیراعظم شہبازشریف نے چین کی صف اول کی کمپنیوں کو دورہ پاکستان کی دعوت دی اور 10 ہزار میگا واٹ شمسی توانائی کے منصوبے پر مل کر کام کرنے کی پیشکش کی۔
وزیراعظم کا گوادر ہوائی اڈے پر کام رواں سال کے آخر تک مکمل کرنے پر اصرار وزیراعظم نے گوادر ہوائی اڈے پر کام کی رفتار تیز کرنے اور رواں سال کے آخر تک مکمل کرنے پر اصرار کیا ہے۔ چینی کمپنی نے اگلے سال کی ابتدا میں گوادر ہوائی اڈے کی تعمیر کی تکمیل کی یقینی دہانی کرا دی ہے۔ وزیراعظم شہبازشریف نے کہا کہ آگاہ ہوں کہ ماضی میں بہت مسائل آئے ہیں جس پر ہم معذرت خواہ ہیں، 11 اپریل 2022 کو اقتدار سنبھالنے کے بعد کمپنیوں کو درپیش مسائل حل کیے ہیں۔ انہوں نے کہا کہ چینی کمپنیوں کو واجب الادا 160 ارب روپے کی ادائیگی کرچکے ہیں، 50 ارب روپے گزشتہ روز ادا کردیے گئے ہیں۔بیجنگ: وزیرِ اعظم شہباز شریف کی چین کے صدر شی جن پنگ سے ملاقات 🇵🇰 🇨🇳 #PMShehbazinChina
— PML(N) (@pmln_org) November 2, 2022
چین اور پاکستان کے درمیان باہمی تعاون پر بات چیت کی گئی۔ دونوں رہنماؤں نے چین اور پاکستان کے مابین سی پیک سمیت کثیر جہتی تعاون بڑھانے اور اسٹریٹجک پارٹنرشپ مزید مضبوط کرنے پر اتفاق کیا۔ pic.twitter.com/GsxpUl0a19
شہبازشریف نے کہا کہ 50 ارب روپے سے ریوالنگ فنڈ بنادیا گیا ہے، وزیرخزانہ اسحاق ڈار کی ہدایت پر اسٹیٹ بینک نے ریوالونگ اکاﺅنٹ بنادیا ہے، ادائیگیوں کے ساتھ ہی مزید 50 ارب اس میں شامل ہوجائیں گے۔ ‘بہترین سیکیورٹی کے اقدامات کیے جارہے ہیں’ انکا کہنا ہے کہ چینی درآمدی کوئلے کی ادائیگیوں میں ماضی میں مسائل آئے جس پر ہمیں افسوس ہے۔ دیامیر بھاشا منصوبے میں اراضی کے حصول کے مسائل کو حل کریں گے، کوئی مسئلہ نہیں آنے دیں گے۔ وزیر اعظم نے کہا کہ چینی بھائیوں، بہنوں کے جاں بحق ہونے کے واقعات پر بے حد دکھ اور افسوس ہے، مجرموں کو گرفتار کرلیا گیا ہے اور انہیں مثالی سزا ملے گی۔ شہبازشریف نے کہا کہ بہترین سیکیورٹی کے اقدامات کیے جارہے ہیں، سی پیک اور سی پیک سے الگ تمام منصوبوں پر کام کرنے والے چینی باشندوں کی حفاظت یقینی بنائیں گے۔ انہوں نے کہا کہ سی پیک اور سی پیک سے الگ تمام منصوبوں پر کام کرنے والے چینی باشندوں کی سیکیورٹی کا معیار ایک ہوگا، چینی بھائیوں بہنوں کی سلامتی اپنے بھائیوں بہنوں کی طرح ہمیں عزیز ہے۔ وزیراعظم کی مہمند ڈیم سے متعلق مسائل حل کرانے کی یقین دہانی وزیراعظم نے یقین دہانی کرائی ہے کہ مہمند ڈیم سے متعلق بعض مسائل کیوں آئے؟ معلوم کرکے حل کرائیں گے۔ انکا کہنا ہے کہ 2 کروڑ لوگوں کے شہر کراچی میں فراہمی آب کا بہت بڑا مسئلہ ہے، سندھ حکومت کے ہمراہ آپ کے ساتھ مل کر کام کرنے کو تیار ہوں۔ انہوں نے کہا کہ شمسی توانائی سے 10 ہزار میگاواٹ پیدا کرنے کا جامع پلان بنایا ہے، ہوا سے بجلی پیدا کرنے کے منصوبوں میں بھی آپ کو سرمایہ کاری کی دعوت دیتا ہوں۔ وزیراعظم نے مزید کہا کہ ایندھن کی لاگت کم کرکے تیل وگیس پر اٹھنے والے بھاری غیرملکی زرمبادلہ کی بچت ہوگی، آپ کے ساتھ مل کر کام کریں گے تاکہ دونوں ممالک کے تعلقات فروغ پائیں۔ وزیراعظم کا پاکستان میں دلچسپی لینے پر چینی حکومت کا شکریہ شہبازشریف نے کہا کہ آپ کے پاکستان میں دلچسپی لینے پر شکریہ، چھ ماہ میں تین بار گودار بندرگاہ کا دورہ کرچکا ہوں، ایم ایل وَن اور دیگر منصوبوں میں دلچسپی لینے پر شکریہ ادا کرتا ہوں۔ وزیراعظم شہبازشریف نے پاکستان میں سیلاب متاثرین کی فراخ دلانہ مدد پر بھی چین کا شکریہ ادا کیا۔Prime Minister Muhammad Shahbaz Sharif meets Chinese President Xi Jinping. In the meeting, mutual cooperation between China and Pakistan.Both sides agreed to to increase multilateral cooperation including CPEC and further strengthen strategic partnership. #PMShehbazInChina pic.twitter.com/xExfYu7vgx
— Pakistan Embassy China (@PakinChina_) November 2, 2022
کوئی تبصرے نہیں:
ایک تبصرہ شائع کریں